羅大佑 [台語歌曲集1]再會吧素蘭

1.再會吧！素蘭

天通日片 劍風子守歌 片尾曲
作詞：王武雄
作曲：羅大佑
編曲：花比傲
合唱：ＯＫ男女

車就欲離開 心慢慢仔碎

一工過一工每一工阮逐工塊夢 逐工的夢中攏只有阮一人
明知你不知阮心內的願望 一工又一工阮腳步愈沈重

上班兼下班交換班的人生車站 人生的上尾站等無阮的人
輪班來值班的心事講未完 一班過一班阮猶原塊留戀

＊最愛的彼個 可愛的冤家 心愛的素蘭啊喂
嘛個不講話 放阮在原地 恬恬來為你夯枷
素蘭啊像落花 冷冷的違背 猶原是涼勢啊涼勢
當初的情債 所講的情話 原來是一齣誤會

是誰人害誰人為誰人人生斷送 人生攏斷送在等待彼個人
凡間的時間擱偏偏彼呢慢 情關的難關每一步攏為難

歌聲聲的催 心慢慢仔碎

Repeat ＊

車漸漸離開 歌聲聲的催 阮越頭離開 心慢慢仔碎


2.苦海遇晴郎

作詞：王武雄
作曲：花比傲
編曲：花比傲
演唱：ＯＫ女子合唱團

明知你的目睭 迷亂阮的目睭 偏偏愈看愈 痴迷
尤其你的聲音 傳來的魔力 害阮心內彈 琵琶
不知阮無撒嬌 亦是你相囂掰 戀夢煞來出 問題
明明雙人相欠債 為何你無講詳細 越頭一去不回

抱著你的身軀 溫暖阮的身軀 今後只有夢中找尋
但是你在夢中 看阮地受罪 並無半句關心的話
心情親像風吹 飄飄忍受風吹 如今你也不免解釋
橫直真心的代價 換來傷心歹控制 無講卡未怨嗟

當初你所講的一切 如今阮只有當做笑話
麻痹的笑容 其實是難過 啊～

日出看到黃昏 看無阮的青春 夜夜心痛頭 犁犁
紅塵中的落花 總是墜落地 偏偏阮在風中徘徊
心事化做心聲 夜夜唱甲沙聲 竟然攏是夢中的話
原來傷心的代價 無將真心來挽回 害阮付出彼多

原來傷心的代價 無將真心來挽回 害阮付出彼多

世間上最大的笑話 就是熱戀的山盟海誓
隨時咧製造 隨時會反背

明知你的目睭 迷亂阮的目睭 偏偏愈看愈 痴迷
抱著你的身軀 溫暖阮的身軀 今後只有夢中找尋


3.OK情歌

作詞：王武雄
作曲：羅大佑
編曲：Rika Arakawa
合唱：ＯＫ男女

合：嗨啊囉哩喂啊囉哩喂 歡頭喜面牽手講情話
兩人共心一切攏ＯＫ 天邊海角雙雙做陣飛

男：姑娘生做可愛在挽花 胭脂粉味乎阮心痴迷
想欲問伊心愛有幾個 不知笑容一兩賣多少
女：不知東時來的七仔魁 頭殼秀斗雙手掛露螺
未輸棕簑頂面結好花 實在感冒有夠厚面皮

男：在挽花 無人陪 在挽花 頭犁犁
女：七仔魁 掛露螺 七仔魁 厚面皮

男：姑娘不通彼呢歹性地 阮是漂泊多情少年家
像我這款男性欲佗找 溫柔體貼標準的頭家
女：像你這款男性卡多加 上爻臭彈專講白賊話
若是想欲求愛無問題 只要等到菅芒開紅花

男：漂泊的 少年家 多情的 好頭家
女：卡多加 白賊話 聽真多 有問題

男：一片真心換來這句話 女：若有真心總是有機會
男：何時才來陪阮講情話 女：其實阮嘛願意來奉陪
男：兩人共心一切攏ＯＫ 女：啊攏ＯＫ啦
合：期待早日雙雙做陣飛

合：兩人共心一切攏ＯＫ 歡頭喜面牽手講情話
合：嗨啊囉哩喂啊囉哩喂 天邊海角雙雙做陣飛
合：兩人共心一切攏ＯＫ 天邊海角雙雙做陣飛

合：敢按呢 無問題 好妹妹 少年家
合：愛挽花 阮奉陪 攏ＯＫ 做陣飛


4.冤家

作詞：王武雄
作曲：羅大佑
編曲：花比傲
合唱：ＯＫ男女

是誰人黑白講阮脾氣生做彼呢番
是不是含慢才得屈勢弓假彼呢高
並不是世間粉味的幼秀的絕對長頭鬃
足多愛哭的囉嗦的扮戲的煮飯的攏是男子漢

若不是因為出外的男性摸非愛食辣
是誰人辜負厝內的三頓腥臊塊醃鹽
若中華民國的進步攏是查埔拼暝工
彼真是空嘴哺舌凸肚短命的欺騙咱台灣

△誰給人生 誰乎人生 敢得行法院
誰給人便 誰乎人便 攏嘛不識字
誰是後生 誰是先生 個性若彼硬
海角天邊 已經註定 山崩甲地裂

＊是誰人會當解釋哪會先生變後生
是不是因為鬥陣的咱有黑紙寫白字
不通講阮是粉味的幼秀的千金真吃虧
敢是臭屁的龜毛的鴨霸的懶爛的查埔卡值錢

◎誰給人生 誰乎人生 攏嘛著養飼
誰給人便 誰乎人便 敢得相創治
誰是後生 誰是先生 攏嘛著準備
海角天邊 已經註定 夯刀斬未離

Repeat ＊△◎

不通擱黑白講阮脾氣生做彼呢番


5.寶貝心肝

作詞：王武雄
作曲：羅大佑
編曲：羅大佑
合唱：ＯＫ男女

日頭漸漸 爬 上山 天光就出外
恁是阮的 寶貝心肝 無分細甲大
送你讀冊 送伊唸歌 送恁做陣行
看你變巧 看伊畢業 獎狀一大疊

＊黃昏日落 風昂聲 雷公來作伴
擔心受驚 手提雨幔 路中斟酌看
驚伊受風 驚你淋雨 驚恁四界把
驚伊變歹 驚你流連 烏暗的繁華

黑白是非 喜怒哀悲 你敢無看見
感情兩字 苦澀酸甜 五種的氣味
人生渺渺 成功失敗 是欲靠什麼
前途事業 追求名利 敢是真容易

Repeat ＊

黑白是非 勿加人拼 天公會保庇
感情兩字 順其自然 強求無意義
人生海海 成功失敗 當然靠家己
前途事業 叫做健康 從來無懷疑

日頭慢慢 欲落山 青春又靠岸
恁是阮的 寶貝心肝 人生的替換
不免著驚 不通拒絕 時代的變化
望咱永遠 心中有歌 愈唱愈繁華


6.戀曲1939

作詞：王武雄
作曲：羅大佑
編曲：Rika Arakawa
合唱：ＯＫ男女

思思念念彼個人 溫柔的笑容
重重疊疊出現在 阮初戀夢中
吵吵鬧鬧分未清 心愛的去向
阿娜答諾少年時 是彼呢倔強

＊起起落落的人生 情愛的變化
凌凌亂亂地交換 退休的情歌
冷冷暖暖的年代 猶原無看破
哇大兮諾美茉莉 青春的曲盤

心愛的人就得罵得 不通做你去
綿綿舊情等阮 對頭來講起
千千萬萬心內的話 因為我愛你
莎喲哪啦變成 難忘的思想起

轟轟烈烈的戀情 從來無保証
事事項項講流行 敢叫做人生
簡簡單單的戀歌 複雜的感情
平平靜靜地拖磨 是彼呢酷刑

平平靜靜地拖磨 是阮的過程


7.再會吧欲來去

天通日片 劍風子守歌 主題曲
作詞：王武雄
作曲：羅大佑
編曲：花比傲
合唱：ＯＫ男女

抬頭三叢香 蒼天做証見 倆人心連心 捧杯免細膩
時代風雲天 生存靠正義 青春好男兒 為國欲告辭
嘿喲哼嘿喲 再會啦欲來去 嘿喲哼嘿喲 再會啦欲來去

紅顏染胭脂 含淚帶笑意 生來不逢時 不是歹八字
人無照天年 天無照甲子 漂泊孤單身 魂魄展意志
嘿喲哼嘿喲 永遠的同志 嘿喲哼嘿喲 永遠的同志

情義閃光輝 千千萬萬年 情斷葉離枝 心內愛準備
期待凱旋歸 長歌唱勝利 若是轉袂來 猶原免失志
嘿喲哼嘿喲 勇敢的活落去 嘿喲哼嘿喲 勇敢的活落去

抬頭咱的天 越頭笑過去 命在萬重圍 成敗算什麼
離別斷腸詩 儘量免禁忌 不是領頭功 就是蓋國旗
嘿喲哼嘿喲 爽快也值錢 嘿喲哼嘿喲 爽快也值錢

心內三叢香 時代做証據 倆人心連心 情份永不移
青春好男兒 為國欲告辭 今後太平年 情夢再相隨
嘿喲哼嘿喲 再會啦欲來去 嘿喲哼嘿喲 再會啦欲來去
嘿喲哼嘿喲 再會啦欲來去 嘿喲哼嘿喲 再會啦欲來去


8.十八姑娘

作詞：王武雄
作曲：羅大佑
編曲：Rika Arakawa
合唱：ＯＫ男女

十八姑娘 淡薄仔溫柔
可比是含花當欲開 花開是為怎樣
面肉是幼秀 穿插擱爻講究
古錐的目睭若講話 等誰人來享受

海派的頭家 癡情的男性 排列想欲追求
虛華的男兒 漂泊的個性 伊攏不願接受
十八姑娘上驚薄倖鴛鴦 等過青春一日如三秋

十八姑娘 淡薄仔要求
最驚是郎君未曉想 甲人學風流

十八姑娘 淡薄仔溫柔
軟軟的蓮步搖啊搖 親像是無幾兩
學問有研究 動作擱彼輕柔
幼齒的皮膚白擱滑 誰人攏會肖想

多情少年家 緣投的男性 歡迎排列追求
純情的男兒 堅定的個性 伊才願意接受
十八姑娘心內嘛有主張 美滿青春寶貴的自由

十八姑娘哎喲 淡薄仔憂愁
敢講是郎君未曉想 甲人學風流


9.臺北市的墓仔埔(口白：王武雄)

作詞：王武雄
作曲：羅大佑
編曲：Anthony M.Fernandes
合唱：ＯＫ男女

OS：來來來，人濟話就濟，看三色人講五色話，啊若囝仔人轉去叫恁老爸，小
弟今仔日來到貴寶地，不是為著選舉欲來講哮話，是有好空的欲報乎咱大
家。來來來公司貨路邊價，高貴不貴俗俗仔賣，豬肉加當作鹹菜價，橫直
了錢生意免納稅，放店咧厝內是加鎮地，啊若好運的人客緊來夾去配哦～

歡迎來散步 站台北市的墓仔晡啊 迷亂的國度 迷人的江湖
歡迎來散步 站台北市的墓仔晡啊 免驚無奈何 只要 過橋

黃金的馬路 無站無節 攏是銀票 有人有份 攏會得到 大家嘴笑目笑

只要有覺悟 站台北市的墓仔晡啊 放心來散步 完全無恐怖
只要有覺悟 站台北市的墓仔晡啊 先人會保護 一定好七逃

繁華的速度 無暝無日 無緣無故 你的前途 我的前途 行到世界的規模

咱不免假仙 不免假仙 不免彼歹勢 這不免腦筋 不免責任 快樂的土地
今不免緊張 不免緊張 驚欲創啥貨 這想了太多 嘛是犯罪 一切用買賣

OS：卡卡卡卡卡緊哦！快來看快來看！黑雞下了個白雞蛋！啊不要只是外面站
趕快進來挑進來看啊！

每日有進步 咱台北市的墓仔晡啊 歡樂像感冒 每暗咧散播
每日有進步 咱台北市的墓仔晡啊 無人被冷落 緊來相照顧

緣份的出租 起起落落 吞吞吐吐 你來報到 我來報到 大家心裡有數

從來無錯誤 咱台北市的墓仔晡啊 黑白的帳簿 顛倒的宣佈
從來無錯誤 咱台北市的墓仔晡啊 免驚得走路 只要有企圖

言論的製造 無論墮落 還是圈套 無論陰謀 還是警告 全是進步的信號

咱不免假仙 不免假仙 不免彼歹勢 這不免信心 不免責任 快樂的土地
今不免緊張 不免緊張 驚欲創啥貨 這不敢講話 嘛是犯罪 一切用買賣

OS：來哦～阮頭家娘跟人走，阮頭家攏不知道，我不是咧開玩笑，今仔日加賣乎了
卡贏咧搏輸侷啊！

歡迎來散步 站台北市的墓仔晡啊 迷人的國度 真正好七逃
歡迎來散步 站台北市的墓仔晡啊 免講無法度 只要 過橋

繁華的首都 三步兩步 攏是進步 找無前途 不免吃醋 一支草有一點露

今不免假仙 不免假仙 不免彼歹勢 這名聲 祖先 良心 厝宅 攏嘛有咧賣
咱不免緊張 不免緊張 驚欲創啥貨 這青春 美麗 錯誤 犯罪 攏嘛會漂白
攏不免假仙 不免假仙 不免彼歹勢 這身軀 子孫 面子 土地 攏嘛有咧賣
咱不免緊張 不免緊張 驚欲創啥貨 這不免 坦白 卡未 犯罪 一切用買賣


10.斷夢曲

作詞：王武雄
作曲：羅大佑
編曲：羅國治
合唱：ＯＫ男女

是無情無義的這個時代 還是前世的期待
你咱雙人會相逢在錯亂中 變幻的這個所在
渺渺乾坤 茫茫的心 誰人苦苦地安排
進退浮沈 流轉的夢 猶原是一種阻礙

是人海飄浪的彼段日子 伴著註定的名字
坎坷神遊在路途的風塵中 失落的一段記持
遙遙前塵 熱熱的心 猶原苦苦地堅持
酸甜苦澀 褪色的夢 總等待不願放棄

＊斷也斷未離 是蒼天恨愛的凌治
青春越頭過去 永遠的空虛

是花謝落土的阮的命運 亦是註定愛認份
繁華若落盡誰人的笑容會 代念著阮的溫馴
漫漫今世 淡淡的心 只求好好的安頓
千載萬年 不變的愛 永遠是阮的靈魂

Repeat ＊


11.再會吧！素蘭(卡拉Ok版)

作曲：羅大佑
編曲：花比傲


12.苦海遇晴郎(卡拉Ok版)

作曲：花比傲
編曲：花比傲